這本《iPad kap杯仔》是何信翰頭一本台語詩集，內底分做8个主題，kap社會、生活有真緊密ê關係，伊關心生活、社會，嘛關心當下。何信翰運用簡單好讀ê台語語詞寫詩，嘛佇詩ê文體頂頭有真濟試驗、探討啥物是「詩」。但是無論用啥物方式創作，伊上要意ê是「人生」、「心」，這本作品就展現出實質ê成果。
作者簡介：
何信翰，1976年出世。淡江大學露西亞語文學系第二屆畢業生，露西亞科學院文學博士。佇露西亞ê彼幾年，深深受著遐的文學家關懷低層人民ê精神感動，也受著人民對文學ê熱情影響。提著博士了後，入去中山醫學大學台灣語文學系教冊，閣積極投入台語文復振運動。伊ê詩佇2012年開始佇《台文BONG報》、《海翁台語文學》等發表，這本《iPad kap杯仔》是伊頭一本台語詩集。