為台語文的使用打拚
這幾年來，台灣社會因為台灣意識夯頭，加上過去長年久遠受著國民黨鴨霸的語言政策壓制，造成了一股反彈的氣氛，台語，台文的研究佮使用，雄雄煞變做台灣的一種顯學，真儕人投身做台語文的研究，亦真儕人開始用台語文來寫作。
有志之士，利用淡薄的資源，創辦純台文的刊物，猶原會當在社會上生存，甚至受著真大的肯定參訶勞，好親像會講台語，會寫台文，就會當參人在台灣社會站起。
當然亦有真儕人，死驚過頭看重台語文，會造成當年國民黨政權獨尊北京語，最後會產生後遺症，呼籲講語言只是一種溝通的工具，好親象嘸免或呢啊堅持，為著台灣目前生存的四大族群的和諧，應該愛相互提，予四大族群的語言，攏會當在台灣社會發聲，親像新加坡佮瑞士，甚至明定各種語言攏總是官方語言，避免造成因為語言因素，來產生族群間的互相傾拚。
因為題目用台灣俚語，所有文章我就堅持用台文，因為用台文才會當完全表達出來這句治灣俚語的氣味，就按呢，舊小語開始在自立早報的版面參讀者見面，期中著真儕朋友的批評佮指教，使得我家己信心愈來愈足，屢寫煞亦屢感覺心適，一寫寫二百外篇，其中的一百篇，已由台原出版社集做專冊，出版印行，銷路雖然嘸是真好，一年半中間猶原賣出一版，算起來成績算無呆。
對台語文有放不開的心結，在台灣屢來屢開放的現此時，對台語文使用的意願，當然就會繼續，映望逐家共同來做伙打拚，多謝！
$ 166 元
原價 195
-
$166
