「分手和頭酒」係畀一對情侶可以喺分手前或後同對方食一餐飯，互相坦白，了解分手嘅真正原因。搞「分手和頭酒」嘅我有一個好重要嘅工作，就係會喺和頭酒之前，細心調查參加者嘅背景。而呢個調查，往往都會搵出好多意外嘅結果，有感人嘅、有刺激嘅、有卑鄙嘅，亦有皆大歡喜嘅。喺唔同故事入面，我相信你總會可以搵到自己共鳴之處。我相信所有分手一定有原因。我叫阿濤，我專門幫人搞「分手和頭酒」。
