這本台語詩集分三部分：唸歌、短詩佮一般現代詩。唸歌是有押韻、有鬥句，念起來真順耳真好聽；短詩，用較少ê字句來表現詩質：一般現代詩，通常無限字數、無限幾句，根據寫作需要，感覺表達ê情意、思想已經完整，就結束。
這本詩集ê作品大部分是我投稿佇《台灣現代詩刊》、《台文罔報》、《臺江臺語季刊》、《台客詩刊》、《台文戰線》，「大肚山藝文報」ê作品，抑有一部分是我水彩畫台語詩展的作品（一幅圖配一首台語詩，我大部分是去行踏轉來，共媠的印象，景致畫出來，閣寫出來）。有一寡朋友看了呵嘮，向望我會當出版。
向望逐家看了《行踏 注目》了後，嘛動筆寫看咧、畫看咧，予家己一個真讚ê禮物。
$ 209 元
原價 220
-
$209
