《賴和的相思》這本冊攏總有八十首詩，分成四輯，主題包含台灣這塊土地上發生的各種阮思考的代誌、抑閣有台灣歷史的發現、地景的描寫、生命意義的探討，詩中有阮家己的思想觀念佮期待，就親像阮佇〈耕咱兜的田園〉第一段詩寫的，是阮對台灣文化揣路人的一種心情紀錄。 對半線行過磺溪到彰化的這塊田園 攏種外來的植物 粗枝厚葉蔭影崁頂 原生種子煞袂發芽 失去台灣人的志氣 拍見土地的靈魂 不肖的囝孫心目中 ...
