《蓮花化心》這篇小說借用宗教神話「哪吒蓮花化身」佮荷馬史詩「胡得時（Odyssey）回鄉歷程」的經典意象，將典故進一步深化做台灣人追求心靈改造的「蓮花化心」。故事是女主角林玉真由懵懂到覺醒的一段身心同時經受著的淬煉，聽好講是象徵台灣人重新釘根台灣的「胡得時」（中譯「奧德賽」），伊親像胡得時欲倒轉去伊的故鄉，經歷重重疊疊的関卡，有悲傷、有哀怨；有眠夢、有期待；有憤慨、有叫喝；有心悶、有蜜甜。過程假若蛇佇褪殼，伊一步一步，認知去除漢化（De-Sinifying），完成蓮花化心，會當承先啓後，向望出日。
